Haryanavi Commentary

Commentary: Anurag Sharma
Courtesy: Motorola

Bhaaiyon yo sai commentary Haryane ke gaam mai hue criket match ki. Tai bhaaiyon, yo kirkit ka aayojan kiya gayaa sai maidaanaa main. Mai suun commentary karaniya ar expert commentary khaatir meri gail maujuud sai Tau Harkaare. Sundu batting karan khater thaapi (bat) lekai wiktaan dhorai khadyaa sai. Paale gindu bagaavan taai dusri or khadyaa sai ar gindu nai khaajli kutiya ki dhaal apni pint pai ragdan laag ryaa sai. Kaka Kalli, jo umpire sai, us dhorai e khadya sai ar beedi fukkan laag rya sai.

Leelu, Dheele, Naai ka, Bilu, Kaalu, Phullad ar Surte maidaan mai chaarun od nai nyuun khade sain junu kisi khuli gaawdi nai gheran ke chakkar mai hon. Labbad, Bhundu, Karne ar Bhartu wiktaan ke paache nai (slips mai) kode ho re sain, mere bate junu hagaaye marte hon. Tai bhaaiyon match shuru ho rya sai. Paale ki khaaj laagai sai mit gi sai ar wo gindu bagaawan nai tayyaar sai. Ib wo daantaa nai bheench kai bhaaj padyaa sai ar usnai gindu bagaa di sai. Gindu tappa khaa kai pahunchi Sundu dhorai jisnai haanga laakai apni thaapi ghumaa di ar gindu hawaa mai oonchi gayi sai. Leelu ar Dheele donu haath aagai kar kai upar lakhaaye gindu ki gail gail bhaajan laag re sain catch pakdan taain. Bhaajte bhaajte donu takra gaye, donu ke donu chit, ar gindu tappa khaa kai baahar. Iski gail batsman Sundu chillaya 'CHHAKKA', Paale chillaya 'CHOKKA SAI'. Chakka chokka karte karte donu guttham guttha ho ge sain. Kaka Kalli aapni thodi khujaawan laag rya sai, usnai kimai idea nahin laag rya ak gindu ure nai giri sai ak pare nai. Match ruk gya sai, ib tai donuaan nai chhuda kai samjhauta karaana padaiga. Short break Donu chhuda diye gaye sain ar unka samjhauta 5 run pai karwaa diya gayaa sai. Thode time match normal chalta hai.

Ghani e haan ho li sai, Sundu kasutta birach rya sai, out howan kaa naam ai nahin leta. Fielder and bowler pareshan aa liye sain. Eebke nai Sundu nai ghumaaya balla ar bhaajya run len nai, gindu gai sai Phullad dhorai. Sundu bhaaj rya sai wiktaan kaid. Phullad Ghana e pareshan aa rya sai, usnai gindu thaa kai bagaai seedhi Sundu pai. Gindu jaa kai laagi Sundu kee taant mai, Sundu chit. Ar ib baari dusre ballebaaj kee.